ಕ್ಷಮೆ ಇರಲಿ !

“Sorry, ದಯವಿಟ್ಟು ಕ್ಷಮಿಸಿ.. “, ಇವು ನಾವು ಯಾರನ್ನೋ ಗೊತ್ತಿಲ್ಲದೇ ತುಳಿದಾಗಲೋ, ಅಚಾನಕ್ಕಾಗಿ ತಪ್ಪಾದಾಗಲೋ, ಸ್ವಾಭಾವಿಕವಾಗಿ ಬರುವ ಪದ ಪ್ರಯೋಗಗಳು. ಹೀಗೆ ಸಣ್ಣ ಪುಟ್ಟ ತಪ್ಪುಗಳಿಗೆ ಕ್ಷಮೆ ಕೇಳೋರು ಒಂದೆಡೆಯಾದರೆ, ವಾಸ್ತವದಲ್ಲಿ ದೊಡ್ಡ ತಪ್ಪು ಮಾಡಿ, ಅದರ ತೀವ್ರತೆ ಇನ್ನೊಬ್ಬರಿಗೆ ಮಾನಸಿಕ ಘಾಸಿಯೆಂದು ಅರಿತಿದ್ದರೂ ಕ್ಷಮೆಯಾಚದೆ ಅವರ ನ್ಯೂನತೆಯನ್ನು ಎತ್ತಿ ಹಿಡಿಯೋರು ಇನ್ನೊಂದೆಡೆ.

“ಕ್ಷಮೆ ಕೇಳೋ ಕನಿಷ್ಠ ನೈತಿಕತೆಯು ಅವನಲ್ಲಿಲ್ಲ, ಆತ ಕ್ಷಮೆಗೆ ಅರ್ಹನೂ ಅಲ್ಲ” ಅನ್ನೋ ವಿಷಾದ ನುಡಿಗಳನ್ನ ನಾನು ಬಹಳ ಕೇಳಿದ್ದೇನೆ. ಇರಲಿ, ಅವರು ಕ್ಷಮೆ ಕೇಳದಿದ್ದರೇನಂತೆ, ಸ್ವ-ಕ್ಷಮಾಗುಣ ನಮ್ಮದಾದರೆ ಹೇಗೆ.. ನಮ್ಮನ್ನು ನೋಯಿಸಿದವರನ್ನು ಕ್ಷಮಿಸೋದು ನಮ್ಮ ದೊಡ್ಡತನ ಅಂತ ನಾನೇನು ಹೇಳಲ್ಲ. ಇದು ನಮ್ಮ ಒಳಿತಿಗಾಗಿಯೇ ಅನ್ನೋ ಸ್ವಾರ್ಥ ಅಡಗಿದೆ. ಹೇಗಂತೀರಾ?..

ನೋಡಿ, ಒಬ್ಬ ವ್ಯಕ್ತಿಯ ಮೇಲಿನ ನಮ್ಮ ದ್ವೇಷ ಅಸಮಾಧಾನಗಳು, ಆತನೇ ನಮ್ಮ ಹೆಗಲ್ಲನ್ನೇರಿ ಕುಳಿತಂತೆಯೇ ಸರಿ. ಅದು ಒಂಥರಾ ಅನವಶ್ಯಕ ಹೊರೆ ಅನಿಸೋದಿಲ್ವೇ? ಆತ ನಮ್ಮಲ್ಲಿನ ಉತ್ಸಾಹ, ಇಚ್ಛಾಶಕ್ತಿ,ಮನೋಶಾಂತಿ ಎಲ್ಲವನ್ನೂ ಕಸಿದಂತೆ ಭಾಸವಾಗೋದಿಲ್ಲವೇ?. ಹಾಗಾಗಿ ಆತನನ್ನು ನಾವೇ ಕ್ಷಮಿಸಿಬಿಟ್ಟರೆ ಕ್ರಮೇಣ ನಮ್ಮ ಮೇಲಿನ ಹೊರೆ ಇಳಿದು, ಹಗುರ ಮನಸ್ಸು ನಮ್ಮದಾಗುತ್ತೆ.

ಎಲ್ಲೋ ಓದಿದ ನೆನಪು- ಕ್ಷಮೆ ಅನ್ನೋದು ಮಲ್ಲಿಗೆ ಹೂವನ್ನು ತುಳಿದ ಕಾಲಿಗೆ ಅಂಟಿ ಹರಡುವ ಸುಗಂಧದಂತೆ. ಈಚೆಗೆ ನನಗನಿಸಿದಂತೆ, ನಮ್ಮನ್ನು ನೋಯಿಸಿದವರ ಬಗ್ಗೆ ಚಿಂತಿಸುಲು ವ್ಯಯಿಸುವ ಪ್ರತಿಯೊಂದು ಘಳಿಗೆಯು, ನಮ್ಮ ಜೀವನದ ಅತಿ ಅಮೂಲ್ಯ ಕ್ಷಣಗಳಿಂದ ಕದ್ದಂತೆಯೇ.

So, forgive and move on, though they are not worth of it. ನನ್ನ ಕ್ಷಮಾ ಪಟ್ಟಿಯನ್ನು ತೆರೆದು ಕ್ಷಮಿಸಲು ಪ್ರಾರಂಭಿಸಿದ್ದಾಯಿತು, ನೀವೂ ಶುರು ಹಚ್ಕೊಳ್ಳಿ.

ಕೊನೆಯದಾಗಿ, ಕ್ಷಮೆ ಇರಲಿ !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s